Manexando raquetas

 Co inicio do 2º trimestre e a chegada de novo material deportivo ao colexio, estreamos novas prácticas deportivas.

Neste caso desenvolveremos o manexo da raqueta. En 1º e 2º xogaremos con pequenas palas de plastico que nos servirán como introdución aos deportes de raqueta. E nos cursos máis altos de primaria xogaremos ao bádminton.

Os deportes de raqueta están de moda nos últimos anos, e aprender a utilizar este implemento permitiralles descubrir algún deles e poder iniciarse naquel que máis lles guste, se é que así o desexan.

De maneira xeral, cantas máis disciplinas coñezamos, máis rica será a nosa bagaxe motora e máis opcións teremos de atopar aquela á que nos gustaría adicarlle máis tempo no futuro para contribuír a manter un estilo de vida saudable e para desfrutar do ocio.