Xuntámonos tódolos cursos para facer unha saída pola contorna e coñecer un pouco máis o pobo onde se atopa o noso colexio.
Descubrimos
algunha que outra ruta que queremos investigar, e seguimos cooperando xuntos
facendo un xogo que non coñeciamos pero que nos encantou!!
Aproveitamos
as nosas fortalezas para axudarnos entre nós e ir paseando en parellas de
maiores e pequenos, para axudarnos, coidarnos e animarnos entre todos.
O paseo
foi divertido e soleado, vimos animais, prantas, casas, xente….e ao chegar ao
parque... Ana sacou da bolsa un xogo novo que descubriu nalgún rincón de Bélxica e co que rimos un
montón.
O xogo consistía en agarrar todos á vez unhas cordas e coa axuda dun gancho ir collendo bloques de madeira e apilalos uns por riba dos outros ata formar unha torre ben alta.
A verdade que para ser a primeira vez, non se nos deu tan mal!
Aquí deixamos unha demostración gráfica do ben que o pasamos para compartilo con vós.
Iremos
pensando na seguinte mentres non nos esquecemos de que quen move as
pernas….move o corazón!
Bo día!
Bos días dende o polideportivo!
Comezamos a aventura neste curso 2023-2024 movéndonos e cooperando, aproveitando as nosas horas do PROXECTA para realizar xogos cooperativos.
Se algo temos claro no colexio é que aprendendo a axudarnos pasarémolo mellor e que quen move as pernas...move o corazón!
Aquí deixamos algunhas imaxes que amosan a nosa entrega.
Seguiremos informando. Bo día!
No final do terceiro trimestre, e tras rematar co acrosport, fixemos algunhas sesións de primeiros auxilios.
Moitas das cousas traballadasxa foran vistas polos nenos nos talleres realizados no colexio ao longo do curso a través do Proxecta de Educación viaria., polo que soamente tivemos que repasalas.
Estas sesións foron apoiadas por algunhas diapositivas que resumían o contido.
Presentamos as coreografías elaboradas polo alumnado de 3º/º e 5º/6º e recordamos que foron creadas de maneira autónoma e libre.
Desexamos que vos guste o seu traballo.
Tras dúas semanas de inactividade no que ao acrosport se refire debido a actividades complementarias do colexio, hoxe continuamos preparando as coregrafías de grupo e nalgún equipo xa se comezan a ver importante progresos.
Continuamos traballando para a elaboración das coreografías e o traballo empeza a dar os seu froitos. Os grupos xa comezan a ter algunhas figuras preparadas e todo vai collendo forma.
Hoxe o traballo foi realizado en condicións especiais, pois os nenos e nenas foron ao colexio disfrazados de vellos e vellas, pero iso non supuxo ningún problema e traballaron moi ben.
